باسی کوردستان له ڕۆژنامه‌ی "آذربایجان" دا – 22 به‌شی کۆتایی
باسی کوردستان له ڕۆژنامه‌ی "آذربایجان" دا – 22 ، به‌شی کۆتایی
(کوردلر " داستان ( کوردکان" چێرۆکه شێعر"
هووانس غوقاسیان ترجمه ایدنی: مظفر درفشی
بوندان سونرا یاد ایده‌جک
ماهنی لار دا، ملتیمیز
همتینی، خدمتینی
اونودولاماز بونلار هرگز
راحت یات، ای ایگیت مامه
من هاسویام، یولداشینام
آخ! یاشا دور فقط منی
بیر انتقام! بیر انتقام
یاد ایده‌رم گجه گوندوز
هر نماز دا، هر دعا دا
هم زینه‌نی و هم سنی
مفتونم بو ایکی آدا
قوی دشمنین گولله سینه
هدف اولسون پولاد سینم
تا آنلاسون بوتون ایل لر
که شرفلی مانقور منم
تا کوردستان اویله‌سین که
هاسو دا بیر ایگیت ایدی
او وطنین شرفینه
شیرین جانین قربان دیدی
ساکت دره‌لردن اوجالدی ینه کارابینین سسی
بیزیم قهرمان چوبان هاسو دور جوشوب کینه‌سی
الینده کارابین دشمنه دوغرو آتش ایدیردی
سویلیور لازمدور دشمندن بیری قالماسون دیری
داهی چایدور ایندی که نغمه چالور ده تکینده‌ن
زینه دور، نسیمله سویلیور آستا " ایگیت وور‌گیلن"
دارالدیر گیتدیکجه محاصره‌نین کیچیک حلقه سنین
رذل ژاندارمالار ئوزوک قانی تک آلیر دوره‌سین
بیزیم بو تاریخی شانلی تپه‌نین ایگیت هاسونین
ولی قهرماندور ذره‌جه قورخو یوخیدور اونون
بو زامان اوجالیر اوزاق داغلاردان او شعله‌لری
بوتون اوبالارا گویا یتوبدور دعوا خبری
بیر آز صبرایله هاسو جان بیر آز ایندی یته‌رلر
ایگیت یولداشلارون، کورد قارداشلارون کومک دن ئوتر
گونش غربه دوغرو، سرعتله گئدیر ایندیجه باتیر
قارانلوق هاسویا کمگه گلیر، هر یانی دوتور
اوجا سسله ایگیت هاسو، هی وررلراق دشمنلره
سویلیور که کوردستانیم چوخ دشمنلر سریب یئره
کوردستان چوخ قدرتلی در
چوخ اوجا دور قله لری
پولاد داندیر هر بیر داغی
که قایتارار سیزی گئری
گلین رذل ژاندارمالار
ای شرفسیز ساتغین قول لار
که مانقورلی مامه‌یم من
انتقام دور منه شعار
شجاعتده، شهامتده
ان مشهوروق بیز مانقورلار
کوردوستانین ساکن لری
بیزی یاخشی تانیوپلار
هاسو دگل مامه‌یم من
هاسو ایگیت دگل ایدی
او باج ویردی رذل لره
دشمنلره بلی دیدی
حتی اونی ترک ایلدی
ئوز آروادی گوزه‌ل زینه
او شرفلی اصلان قادین
درس ئوگرتدی ئوزلرینه
گلین، گلین ای آڵچاقلار
ظالم شاهین نوکرلری
بو دومانلی داغلاردان سیز
قایتمارسیز یقین دیری
آند اولسون بو کارابینا
مرد مامه‌نین آل قانینا
آسانلیقلا الیز یتمه‌ز
مانقورلارین دامانینا
مامه دگل ، هاسو دگل
اونیزده وار تام کوردوستان
بو کوردوستان قوغاجاقدر
بیر گون سیزی ئوزیوردو نشان
ای هی قورخاق سویغونچیلار
چیخن داشلار دالیسیندان
سورتمکله یتیشمه‌سیز
بو تپه‌یه هیچ بیر زمان
سیزه قارشی منده یوخدور
ذره قدر بخشش، کرم
تپه‌یه ال تاپانمازسیز
مادام که من ئولمه‌میشم
آزغینلاری محو ایتمکده
منیم قولیم یورولماز در
قدرتیمه ایمانیم وار
محکم عزمیم سارسیلماز در
قاییدین ئوز اوجا قیزا
کج باخمایون کوردوستانا
که کوردوستان دشمنینی
تیز،گج بویار آل قانینا
سیزی بورا اعزام ایده‌ن
او مستبد یاخشی بیلیر
که کورد ائلی قالمییاجاق
ظلم الینده دایم اسیر
وطنیمین ساغلیغینا
ئوز ائلمین شرفینه
ای هی آتدیم بو گولله‌نی
آزغین دشمن طرفینه
آتیرام بو گولله‌میده
یاد ائدره‌ک پاک مرامی
تا آلینسین دشمنلردن
گوزه‌ل زینه انتقامی
یوخدور قورخوم، یوخدور قورخوم
ایگیت اولان، اولار جانباز
نه قدر که فشنگی وار
مغلوب اولماز، مغلوب اولماز
اوزاق اول ای چرکین حیات
یاخین گل ای ئولوم منه
شرف، ناموس،ایل یولوندا
من مشتاقام بوگون سنه
من آزادلیق عقابیم
آشیانم در اوجا داغلار
اوچارام ان یوکسکلره
او یئره که بولود آخار
دومان، ظلمت آلا بیلمز
هیچ بیر زمان قاباغیمی
آل گونشین یاخینیندا
قالدیرارام بایراغیمی
تاسفله هاسو آه چکوب دوردی
قورتولوردی اونون گولله‌سی داها
قالمامیشدی مگر بیر دانه فشنگ
بیر دانا، بیر دانا، فقط بیر دانا
سویله‌دی: نیلمک، نیلمک ئولمک؟
بو بیر گولله ایله ئوز ئوزین وورماق
یوخ بو گولله ایلر باشقا ژاندارمی
یوزی اوسته سرمک ینه‌ده دورماق
چتین لیکله هاسو نفس چکیری
اودلانوب بدنی، روحی، یوره‌گی
رذل دشمنلره،ژاندارمالارا
اسیر اولماماودر تکجه دیله‌گی
آه! اونلار دوتارلار شانلت تپه‌نی
او زمانکه منده قالماز اختیار
آه! ایگیت مامه‌نین کارابینینه
اونامرد دشمنلر صاحب اولارلار
یوخ! هاسو، کارابین ویرمز دشمنه
داش آلتندا قویوب اونی سیندیرار
نابود ایلر آنجاق هر یردن اونا
بو عمل دشمنی آرتیق یاندیرار
آخرینجی گولله لوله دن چیقدی
یاییلدی هابیله یافیشیلتی سسی
صانکه آتیجی نین، ایگیت هاسونین
قیریلدی بو سسله امید رشته‌سی
یخیلدی ینه ده بیر ئوزگه ژاندارم
حتی صون گولله ده گیتمه‌دی بوشا
قالدیردی بو زمان کارابینی او
اندیره‌رک ووردی شدتله داشا
طبیعتده صانکه مکدر ایدی
بیزیم قهرمانین تماچارلیغیندان
ایگیته اولموشدی او لحظه دنیا
دهشتلی بیر دخمه قارانلیق زیندان
خنجرین دسته سین قویاراق یره
دایادی سینه‌سین اونین اوجینه
یاد ایتدی تانری نی،قطنی، ائلی
دوشدی یاریلاراق کدرلی سینه
آه! هاسو،او رشید او ایگیت مانقور
ئولدی یوره‌گینده قالارکن حسرت
سینیق کارابینین اوسته یخیلدی
یوره‌گیندن قوپدی بیر ناله فقط
اسیردی داغلاردان سرین بیر نسیم
هاسونین غمیندن سیزیلدایردی
سانکه طبیعت دوتموشدی ماتم
یوروموشدی کدر او حزیز یوردی
سورونون ایره‌لی سویلوردی سروان
او قورخاق، او رذل ژاندارمالارا
و لیکن یوخ ایدی بیرینده جرئت
ولو بیر قدم ده گیتسون قاباغا
او زمانه سکوت دوتدی هر یانی
ئوزلرینه اوره‌ک ویروب آزغینلار
گیده‌ره‌ک قاباقا، قورخاق بیر حالدا
شرفلی تپه‌نی دوتدیلار اونلار
یاغیشلیق چیکنینده بیر ساری صفت
سروان تکبر له امر ایتدی: آها
دلیک دلیک ایدون بو یاغیلری
قالماسین اونلاردان بیر اثر داها
سویوقدان بوزوشموش او ژاندارمالار
اجرا ایتمک ایچون سروانین امرین
سونگو ایله ده‌لوب قهرمانلاری
ایتدیلر شرفلی کردلره توهین
او گونون صباحی عبرت دن ئوتری
و ابلاغ دان ئوتری عصیانکارلارا
قولدور دیکتاتورین قان توکه‌ن لری
اونلارین جسدین چکدیلر دارا
یاییلدی بو خبر کردلر ایچینده
هیجانلا دولدی بوتون کردستان
ارتیردی شهرتین ایگیت کوردلرین
بو ایکی فداکار، بویوک قهرمان
بویوک احتراملا، قهرمانلاری
یاد ایدیدی قوجا،گنج،کیشی، قادین
آنجاق او ایگیت لیک، او مردانه لیک
ابدی ایله دی، اونلارین آدین
چوخ مدت کچه‌ممیش بو ماجرا دان
همان او تاریخی، قدیم تپه ده
بیزیم عقابلارین شن اویلاغیندا
گورونوردی بیر گنج عقاب ینه ده
گورونوردی رشید هیکلی بیر کرد
که داشین اوستونده خنجرلر قایر
کارابین شکلینی و آشاغیدا
خنجرین اوجیله بو سوزی یازیر
"ایگیت لر گوتورون الیزه سلاح"
"ملیت اوغروندا، آزادلیق ایچون"
"گچمیوب آزادلیق گونی یاخیندر"
یاخیندر جوخ یاخین، ایسترسوز بو گون"
دییرلر داش اوسته بونلاری قازان
داغلارین اصلانی جوان رزقو دور
ئولمز در ایگیت لیک، شرف، انتقام
بو گونون هاسوسی، ماموسی او دور
صون
3 comments:
دەستتان خۆش بابەتیکی زۆر سەرنجراکیشە و باس و لیکۆلیناوەهەلدەگری.بۆ وینە بۆچی نێوی هیچ گوند و شاخ وئاوەدانییەکی تیدا نییە؟بۆ بە شێوەی بەیتی خۆمالی نەپاریزراوە؟باری رۆمانتیکییەکەی وەک چیرۆکە شیعری ''سیامانتۆ و خەجە زارە دەچێ.ئەویش هوهانس شیراز ،شاعیری هەرمەنی هۆنیویەتییەوە.هەمان خەج و سیامەندی خۆمانە...
شەندە، چەقە خانە بە ڕێگای فەیس بووک دا
Hassan Ghazi کاک شه‌نده چه‌قه‌خانه! وێڕای سڵاو، به داخه‌وه هه‌تا ئێستا هیچ زانیارییه‌کم سه‌باره‌ت به شاعیر/نووسه‌ر جگه له‌وه‌ی که به نێوه‌که‌ی ڕا ده‌بێ هه‌رمه‌نی بئ ده‌ست نه‌که‌تووه. خۆم و چه‌ند براده‌رێکیش له گووگل دا گووگلاندوومانه بێ ئه‌وه‌ی زانیارییه‌کی ئه‌وتۆمان ده‌ست که‌وێ. ته‌نێ له جێیه‌ک دا هاتبوو هوڤانیش غوکاسیانی ئارامۆیچ نووسه‌ری هه‌رمه‌نی به ڕووسی شتی نووسیوه و نازاندرێ داخودا ئه‌وه هه‌ر هه‌مان شه‌خسه یان نا؟ له سه‌رێکی دیکه‌شه‌وه ده‌کرێ شاعیر له هه‌رمه‌نییه‌کانی ورمێ یان ته‌ورێز بووبێ و ناسیاوی له گه‌ڵ خو و خده‌ی خێڵه‌کی کورد هه‌بووبێ و چێرۆکه شێعرییه‌که‌ی به فارسی هۆندبێته‌وه.هه‌رچۆنێک بێ ، ئێستا دوو دۆستی هه‌رمه‌نی شارومه‌ندی فه‌یس بووکم ڕاسپاردووه بزانین ئه‌وان زانیارییه‌کیان سه‌باره‌ت به هوڤانیش غوکاسیان بۆ په‌یدا ده‌بێ یان نا؟
20 September
ووڵامی من بۆ کاک شەندە بە ڕێگای فەیس بووک دا
بەرێز حەسەن قازی.سپاس و رێزم هەیە بۆ چالاکی بێ وچانت لەخزمەت بە زمان و مێژوو و ئەدەبی کوردی.تکایە سەرنج بدە رەنگ بێ نێوی هوهانس تۆمار کرابێ ،یا غوکاسیان بە چەشنێکی تر.
21 September
Hassan Ghazi به‌ڕێز شه‌نده چه‌قه‌خانه! ئه‌من نێوی ته‌واوی خۆم به کوردی و به ڕێنووسی عه‌ڕه‌بی کوردی وه‌ک "حه‌سه‌نی قازی" ده‌نووسم.
21 September at 16:50 · Like · 1 person
Post a Comment