ژبو خواندنا زاراڤێ كرمانجی پتر ژ 500 قوتابیان خوه‌نیشاندانه‌كێ ساز دكه‌ن
ژبو خواندنا زاراڤێ كرمانجی پتر ژ 500 قوتابیان خوه‌نیشاندانه‌كێ ساز دكه‌ن
به‌هدین نهێلی
ل سپێده‌هیا رۆژا 13/1/2010 ل باژێرێ ئامێدیێ بۆ مه‌ره‌ما خواندنا زاراڤێ كرمانجی ل قۆناغێن خواندنێ پتر ژ 500 قوتابیێن ڤێ ده‌ڤه‌رێ خوه‌پیشاندانه‌كا ئاشتیانه بۆ به‌رامبه‌ر ده‌ڤه‌ردارێ ڤێ ده‌ڤه‌رێ سازكر و ل دووڤ دا یاداشتنامه‌یه‌كا نه‌رازیبونێ ل سه‌ر سه‌پادنا زاراڤێ سۆرانی ئاراسته‌ی قایمقامییا قه‌زا ئامێدیێ هاته كرن
ژ لایێ خوڤه ئیسماعیل محه‌مه‌د قایمقامێ قه‌زا ئامێدیێ سوز دا خۆنیشانده‌ران كو دێ ڤێ داخازا وان پێشكێشی جهێن بلند كه‌ت , شریف فه‌تاح به‌رپرسێ لقا ئامێدیێ یا ئێكه‌تیا قوتابیێن كوردستانێ بو روژنامه‌یا وار دا دیاركرن كو ئه‌ڤ خۆ‌پیشاندانه ژبۆ مه‌ره‌ما خواندنا زاراڤێ كرمانجی یه ل ده‌ڤه‌را وان چونكی ل دوور هه‌موو وان ڤه‌كولینێن هه‌تا نها هاتینه كرن ئه‌گه‌رێ سه‌ره‌كی یێ نزمبوونا ئاستێ خواندنێ ل ڤێ ده‌ڤه‌ری خواندنا زاراڤێ سۆرانی بوویه, هه‌ر دیسان ناڤبری دیار كر كو مه‌ره‌م ژ ڤێ خوه‌نیشاندانێ نه دژایه‌تیكرنا زاراڤی سۆرانی یه به‌لكو ئه‌ڤه مافه‌كێ ره‌وایێ قوتابیێن مه‌یه كو ئه‌ڤرۆ ئه‌و ژی بكارن ب زمانێ خوه یێ دایكێ بخونن و بنڤیسن, هه‌ردیسان ئه‌ڤه وه‌كی پشته‌ڤانیه‌كێ یه بو وان هه‌ولێن دهێنه دان ژبۆ ستانداركرنا زمانێ كوردی ل هه‌رێما كوردستان
ژێدەر: ڕۆژناما وار
No comments:
Post a Comment