ئامه‌د: 10 هه‌زار که‌س ژ بۆ زمان مه‌شییان ------------------ ، قۆسه‌رییا ژی گۆت؛ زمانێ مه‌ هه‌بوونا مه‌یه‌

<

ئامه‌د: 10 هه‌زار که‌س ژ بۆ زمان مه‌شییان
23/9/2008

خوه‌پێشاندانێن ژ بۆ په‌روه‌رده‌یا ب زمانێ زکماکی ب به‌رفره‌هی به‌رده‌وام دکن. ل ئامه‌د، وان، سێێرت و نسێبینێ ب ده هه‌زاران که‌س ده‌رکه‌تن کۆلانان.
________________________________________
خوه‌پێشاندانێن ژ بۆ په‌روه‌رده‌یا ب زمانێ زکماکی هه‌ر کو دچه‌ به‌رفره‌ه دبه. خوه‌پێشاندان ژ ئالییێ ته‌زپه‌ تێن لدارخستن و دته‌په‌ ئالیکارییه‌ک به‌رفره‌ه دکه.
رۆژا بۆهری ژی ل ئامه‌دێ 10 هه‌زار که‌س ل به‌ر ئاڤایییا دته‌پێ ل هه‌ڤ جڤییان و ب درووشمه‌یا'ئاسیمیلاسیۆن سوجه‌کی مرۆڤاهییێ یه‌' و 'ئێدی به‌سه‌، ئه‌م مافێ په‌روه‌رده‌هییا ب زمانێ زکماکی دخوازن، به‌ر ب ئۆفیسێ ده‌ مه‌شییان. د خوه‌پێشاندانا ئامه‌دێ ده‌ سه‌رۆکێ دته‌پێ ئه‌حمه‌د تورک، شاره‌دارێ دیاربه‌کرێ، به‌رپرسێن سازییێن سڤیل یێن دیاربه‌کرێ، برێڤه‌برێن دته‌پێ یێ ناڤنه‌دی ودیاربه‌کرێ و له‌یلا زانا ژی به‌شدار بوون.
د ئاخاڤتنان ده‌ هاته‌ ده‌ستنیشانکرن کو مافێ په‌روه‌رده‌یا ب زمانێ زکماکی مافه‌ک ئه‌ساسی یێ مافێن مرۆڤا یه‌ و ئه‌ڤ ماف ژ بۆ زارۆکێن کورد ژی مافه‌ک ره‌وا یه.
ب هه‌مان ئارمانجێ ل وانێ، سێرتێ و نسێبینێ ژی خوه‌پێشاندان هاتن لدارخستن و ب هه‌زاران که‌س ژی ل ڤان باژاران ده‌رکه‌تن کۆلانان.
قۆسه‌رییا ژی گۆت؛ زمانێ مه‌ هه‌بوونا مه‌ ‌ !
23/9/2008
________________________________________
ب هه‌زاران قۆسه‌ری ژ بۆ مافێ په‌روه‌رده‌هییا ب زمانێ زکماکی مه‌شییان و قێرییان؛ زمانێ مه‌ هه‌بوونا مه‌ یه‌ !، بێ زمان ژیان نا به‌ !
________________________________________
ڤێ سبه‌هێ قۆسه‌ری ژی د چارچۆڤه‌یا کامپانیایا ته‌یه‌ په‌ یا ب ناڤه‌رۆکا ' ئێدی به‌سه‌، په‌روه‌رده‌هییا ب زمانێ زکماکی دخوازم' ده‌رکه‌تن کۆلانان.
د مه‌شا کو ل به‌ر ئاڤایییا دته‌پا قۆسه‌رێ ده‌ست پێ کر، سه‌رۆکێ دته‌پا مێردینێ حیلمی ئۆنجو، سه‌رۆکێ دته‌پا قۆسه‌رێ ره‌شاد کایماز، برێڤه‌برێن دته‌پا مێردین و قۆسه‌رێ، نوونه‌رێن سازییێن سڤیل یێن قۆسه‌ر و مێردینێ و نێزی هه‌زار خوه‌نده‌کار و دێڤووباڤ به‌شدار بوون.
خوه‌پێشانده‌ر ژ به‌ر ئاڤایییا دته‌پێ به‌ر ب مدوورییه‌تا په‌روه‌ردێ برێ که‌تن لێ پۆلیس و هێزێن تایبه‌ت رێ نه‌دا کو ئه‌و بگه‌هێژن مدوورییه‌تێ. ل سه‌ر ڤێ یه‌کێ پێشانده‌ران به‌رێ خوه‌ دا پارکا ئاشتییێ و ل وێ جڤییان. د ئاخاڤتان ده‌ ل سه‌ر پێوستییا په‌روه‌رده‌یا ب زمانێ زکماکی هاته‌ راوه‌ستاندن و هاته‌ ده‌ستنیشانکرن کو کورد ژ ڤی مافێ ره‌وا هه‌تا نها بێپارن و ئه‌و نها دبێژن؛ ئێدی به‌سه‌، ئه‌م په‌روه‌رده‌هییا ب زمانێ زکماکی دخوازن.
د خوه‌پێشاندانێ ده‌ درووشمه‌یێن وه‌کا ؛ زمانێ مه‌ هه‌بوونا مه‌ یه‌ !، بێ زمان ژیان نا به‌ !، ئه‌م کورد ن زمانێ مه‌ کوردی یه‌ ! هاتن ئاڤێتن.

چاڤکانی:
http://www.netkurd.com