گروبا خه‌باته‌ یا ڤاته‌یی وازه‌نی

HEQÊ TRT-6’î ÇIN O KE ALFABEYA MA BIVURNO

Komara Tirkîya destpêkê ronayîşê xo ra nata ziwanê kurdkî ser o polîtîkaya înkar û zordarîye domnaye. Labelê çarçeweya tayê vurnayîşanê nê serranê peyênan de, dest bi weşanê kanalê TRT-6’î kerd. Ma weşanê nê kanalî bi meraq û baldarîye taqîb kenî. Herçiqas weşanê nê kanalî zafane bi lehçeya kurmanckî bo bi kirmanckî (zazakî) zî weşan keno. No weşano kirmanckî yo ke dereceyêka komîke de dewam keno, herinda ke binnuşteyan de alfabeya kurdkî bişuxulnî, ma bi heyret vînenî ke tayê herfî vurnayê. Ganî na rewşe gamê aver rast bibo. Tu sedemêko maqul çin o ke lehçeyê kurdkî bi alfabeya cîya binusîyê. Na kerdena TRT-6î zirar dana ziwanê ma. Ne selahîyetê TRT-6î ne zî yê sewbîna dezgeyî esto alfabeya ma bivurno. Badê polîtîkaya qedexeker û zordare ke demeyêko derg dewam kerd zî nika wina mudaxelekerdişê ziwanê ma, bi hawayêko cidî ma endîşenak keno. Seba ke na rewşe gamê aver rast bibo, ma selahîyetdaraanê TRT-6î îqaz kenî û ma wazenî ke rayaumûmî na babete de hîşyar bo.

Grûba Xebate ya Vateyî

حه‌قێ6-TRT ی چنۆ که‌ ئالفابه‌یا ما بڤورنۆ!

کۆمارا ترکییا ده‌ستپێکێ ڕۆنایشێ خۆ را ناتا زوانێ کوردکی سه‌ر ئۆ پۆلیتیکایا ئینکار وو زۆردارییه‌ دۆمنایه‌. لابه‌لێ چارچه‌وه‌یا تایێ ڤۆرناییشانێ نێ سه‌ڕانێ په‌یێنان ده‌، ده‌ست ب وه‌شانێ کانالێ6 - TRT ی که‌رد. ما وه‌شانێ نێ کانالی ب مه‌راق و بالدارییه‌ تاقیب که‌نی. هه‌رچقاس وه‌شانێ نێ کانالی زافانه‌ ب له‌هجه‌یا کورمانجکی بۆ ب کرمانجکی (زازاکی) زی وه‌شان که‌نۆ.

نۆ وه‌شانا کرمانجکی یۆ که‌ ده‌ره‌جه‌یێکا کۆمیکه‌ ده‌ ده‌وام که‌نۆ، هه‌رندا که‌ بنوشته‌یان ده‌ ئالفابه‌یا کوردکی بشوخولنی، ما ب حه‌یره‌ت ڤینه‌نی که‌ تایێ حه‌رفی ڤۆرنایێ.

گانی نا ره‌وشه‌ گامێ ڕاست ببۆ. تو سه‌ده‌مێکۆ ماقول چنۆ که‌ له‌هجه‌یێ کوردکی ب ئالفابه‌یا چییا بنوسییێ. یا که‌رده‌نا TRT- 6ی زرار دانا زوانێ ما. نه‌ سه‌ڵاحییه‌تێ6 –TRT ی نه‌ زی یێ سه‌وبینا ده‌زگه‌یی ئه‌ستۆ ئالفابه‌یا ما بڤورنۆ.

بادێ پۆلیتیکایا قه‌ده‌خه‌کار وو زۆرداره‌ که‌ ده‌مه‌یێکۆ ده‌رگ ده‌وام که‌رد زی نکا ونا موداخه‌له‌که‌ردشێ زوانێ ما، ب هاوایێکۆ جدی ما ئه‌ندیشه‌ناک که‌نۆ. سه‌با که‌ نا ڕه‌وشه‌ گامێ ئاڤه‌ر ڕاست ببۆ، ما سه‌ڵاحییه‌تدارانێ TRT- 6ی ئیقاز که‌نی وو ما وازه‌نی که‌ رایاعوموومی نا بابه‌ته‌ دا هیشیار بۆ.

گرووبا خه‌باته‌ یا ڤاته‌یی


ژێده‌ر: نێت کورد