كوردوستان بە دەستخەتی شەهید عەلیڕەزای نابدل

شێعری "کوردوستان" بە دەستخەتی شەهید عەلیڕەزای نابدڵ
حەسەنی قازی
لە کاری لێکۆڵینەوە دا ئەگەر مرۆ پشووی سوار نەبێ و پەلە نەکا، یەک بە دوای یەک سەرەداوی دەست دەکەوێ و دەرفەتی کرانەوەیانی بۆ دەڕخسێ. دوا بە دوای چاوپێکەوتنە پڕ نێوەرۆکەکەی بەڕێزان ئەنوەری سوڵتانی و موحسینی قزلجی لە گەڵ بەڕێز سەلاحوددینی موهتەدی،کاک یەدوڵای بیگلەری گەورەیی کرد و بیرەوەرییەکانی خۆی لە گەڵ شەهیدی گەورە نابدڵ نارد بۆ ڕوانگە و دوێنێ بڵاو کرایەوە. دوای نیوەڕۆی سێشەمۆ، هاوڕێیەکی بەنرخ لینکێکی بۆ ناردم و نووسیبووی بە هەڵکەوت بە سەری دا کەتووە. لینک چ لینک کۆمەڵێک لە شێعرەکانی نابدڵ بە دەستخەتی خۆی کە دوای نیزیکەی چل ساڵ لە شەهید بوونی بە شێوەی دیجیتال بڵاو کراونەتەوە. بەڕێز هادی قاراچای ئامادەکاری ئەو بەرهەمە نێوی " ئیشیق" – ڕووناکی- لەو کتێبە ناوە و ناڵێ ئەو دەستخەتانەی چۆن دەست کەتووە
کتێبەکە لە ٣٨ شێعری نابدل پێک دێ کە ئی هەرە دواییان، بەرواری ٢٧-١٠-٤٥ یانی پێنج ساڵ بەر لە شەهید بوونی نووسراوە. لەو کەشکۆڵە شێعرە دا " کوردوستان" شێعری ١٥ هەمە و عەڵێڕەزا لە خوارەوی شێعرەکە نووسیویە
١٩٦٥-١٣٤٤ نجی ایلین یایی تبریز واتە ١٩٦٥ – هاوینی ١٣٤٤ی هەتاوی تەورێز. لە کۆتایی ش دا سێ تێبینی نووسیوە
١- هەژار ، هژار شاعیری گەورەی پێشکەوتنخوازی هاوچەرخی کوردستان
٢-قیزیل ئوێزەن. ئەو چۆمە سەرچاوەی لە شاخەکانی کوردستانە. بە ئازەربایجان دا تێدەپەڕێ و، دواجار دەڕژێتە دەریای خەزەرەوە
٣-سەلاحەدینی ئەییووبی. لە شەڕەکانی سەلیبی دا " شەڕی خاچان" عەشیرەتە کورد و تورکەکان بەیەکەوە لە بەرانبەر هێزە پەلاماردەرە ئوڕووپاییەکان دا خۆڕاگرییان کرد. سەلاحەدینیش سەرۆکی تێکۆشەری ئەو هێزانە بوو

دەکرێ هەموو کتێبەکە لەم نێونیشانەدا ببینن

http://ishiq.net/wp-content/uploads/oxtay_ishiq.pdf