هەڤپەیڤین لەگەڵ پرۆفێسۆر عەبباس وەلی سەبارەت ئەگەری موزاکەرە لە نێوان ئێران و ئەمریکا، تێلێڤیزیۆنی ئاریەن

 بەرنامەی  " پایش " لە بەشی فارسی  تێلێڤیزۆنی ئاریەن ، چوارشەمە  ٢٩-ی ژانڤییەی ٢٠٢٠

 هەڤپەیڤین لەگەڵ پرۆفێسۆر عەبباس وەلی سەبارەت  ئەگەری موزاکەرە لە نێوان ئێران و ئەمریکا

 موحسین میرزایی : بەڕێز وەلی  وەک لە ڕاپۆرتەکەش دا هاتبوو ئەگەر بمانەوێ  سێ حەوتووی ڕابردوو ، بیست ڕۆژی ڕابردوو بە دوای ئەو ڕووداوانەی کە دوای کووژرانی قاسم سولەیمانی  بە دەست هێزە ئەمریکاییەکان ڕوویانداوە  و هەڵوێست گرتنی جۆر بە جۆر ، هێرشی ئێران بۆ سەر پێگەی  ئەمریکایی و کاردانەوەی کاربەدەستانی ئەمریکایی هەڵسەنگێنین  بە باوەری ئێوە ئەو مەسەلانە نیشانەی چین؟ ئەمریکاییەکان  نەرمییەکی زۆریان نیشان دا لە ئاست ئێران  یان دە ڕاستی دا ئەمریکاییەکان هێچیان پێ نەدەکرا؟

 پرۆفێسۆر عەبباس وەلی : بە باوەڕی من ئەمریکاییەکان  ئێستا  لە هەڵوێستێکی ئاوا دان کە  پێویست بەوە نابینن کە نەرمییەکی ئەوتۆ لەخۆیانەوە نیشان بدەن  و ئەگەر ئەو نەرمییەش نیشان بدەن  بە باوەڕی من وەکوو لاوازی داناندرێ. ئەوەیکە گرینگە ئەوەیە کە  ئێران ، جمهووری ئیسلامی ئێران و ڕێبەرایەتی جمهووری ئیسلامی ئێران ، ڕێبەرایەتی سیاسی جمهووری ئیسلامی ئێران  بە کردووە لە هەلومەرجێکی ئاوا دا گیری کردووە کە ئەگەری ئەوەی کە بتوانی بە بێ دانی خاوە و ئیمتیاز  بەشێک لەو ئیمتیازانەی کە ئەمریکا داوای کردووە و دەیکا  لەو هەلومەرجانە بە هاسانی دەربکەوێ بە باوەڕی من  ئیمکانی نییە. ئەوەیکە لێرە دا  دەبێ سەرنجی بدرێتێ ئەوەیە کە  پێوەندی لەگەڵ ئەمریکا، موزاکەرە لەگەڵ ئەمریکا  لە سەر بەرجام یان مەسەلەی ناوکی  یان مەسەلەی مووشەکی  یان مەسەلەی قووڵایی ستراتێژیکی ئێران لە ناوچە دا  ئەوانە مەسەلەی ئەوتۆن کە نەک هەر بەستراونەتەوە بە پێوەندی نێوان ئێران و ئەمریکا بەڵکوو مەسەلەی بنەڕەتین لە خەبات و ملە لە نێوان هێزە دوژمنەکان  لە ستروکتووری دەسەڵات دا  کە بە دەوری ئەو تەوەرانە دا دەسووڕێتەوە. ئەگەر ئەو تەسەوراتە دروست بێ کە ئێران و ئەمریکا خەریکن  بە دزی بەرەو موزاکەرە لە گەڵ یەکدی دا دەچنە پێشێ  ، بە باوەڕی من ئەو موزاکەرە نهێنییانە بەلانی  کەمەوە  تا کاتی هەڵبژاردن بەردەوام دەبێ . ئەمن پێم وایە ئەو موزاکەرەیە سەرەتایەکە بۆ ئەوەی  کە حکوومەت بەرەو یەکدەستییەکی تەواو بچێتە پێشێ ، ئەو موازکەرەیە وەک ئیمتیازێک یان وەک دەڵێن  وەرەقەیەکی بەرەوە  لەوێ  بهێننە گۆڕێ. بەڵام  سەرەتای ئەو موزاکەرەیە ، ئامادەکارییەکانی ئەو موزاکەرەیە بە باوەڕی من دەبێ  بە دەست ئەو تاکوتەرایانە یان بەشێک لە حکوومەتەوە ئەنجام بدرێ  کە بە پێویستی لە دەسەڵات دا نامێنێتەوە. ئەوە کارێک بووە کە جمهووری ئیسلامی هەمیشە کردوویە  ، ئێستاش دەیکا  ، ڕێبەڕیی جمهووری ئیسلامی هەمیشە شتی لە خۆی دوور کردووەتەوە  ، هەمیشە ویستوویە ئەو سیاسەتە تایبەتیانەی کە  وەبەریان دەگرێ  هیچ کات بە ناوی خۆی نەبێ  و هەر وەها ئەو ئاکامانەی کە لە سیاسەتی ئەوتۆی وەردەگرێ  بە پێویستی ئاکامی ئەوتۆن  کە بۆ خۆی ویستوویە پارسەنگی تەرازووی بە قازانجی ئەو هێزانە بێ کە بەدەوری مەیل و ویستی ڕێبەریی دان  و لە دەوری کۆ بوونەتەوە  وخەریکی خەباتن . ئەوە شتێکە کە بەرەو پێش دەچێ  و بەڵام ئەمریکاش بە باوەڕی من  هەر وا درێژە دەدا بە گوشارهێنانی لانی زۆر  و بە کردەوە دەبینێ کە ئەو گوشارە لانی زۆرە  ئاکامی هەبووە  و جمهووری ئیسلامی بە کردەوە نیشانی داوە دوای کووژرانی قاسم سولەیمانی  وەرەقەیەکی بەرەوەی ئەساسی بە دەستەوە نییە  و تەنانەت کاتێک ویستوویە تۆڵە بستێنێتەوە ، ئەو تۆلە ئەستاندنەوەیەی بە موافەقەتی ئەمریکا  و  ڕاکێشانی  باری سەرنجی ئەوان  ئەنجام داوە  و دوای ئەویش بە کردەوە ، بە کۆنکرێت  ئەو مەسەلەیە هاتە پێشێ کە ئوڕووپاش  هەرچی زیاتر بەرەو ئەمریکا مەیلی تێدا پێک هات  و تاقکەوتوویی سیاسی جمهووری ئیسلامی  تەقریبەن ڕوو بە کامڵ بوون دەڕوا. لێرە دا دەبێ بگوترێ کە جمهووری ئیسلامی  ئەگەر تەوافوقێکی ئەوتۆ قبووڵ نەکا ، موزاکەرەی ئەوتۆ نەپەژرێنێ و  سەرەتاکانی موزاکەرە لەوانەیە چەند مانگ وەخرێنێ  و نەی پەژرێنێ بە باوەڕی من ئیمکاناتی ئەوەیکە بتوانێ  ووڵام بداتەوە بە داوخوازەکانی خەڵک لە ناوخۆی ئێران دا  زۆر کەمە  و سەرچاوەی ماڵی و سەرچاوەی لۆجێستیکی  کە لە بەر دەست جمهووری ئیسلامی یان ڕێژیمی جمهووری ئیسلامی دایە  ڕۆژ بە ڕۆژ خەریکە لە تەنکەی دەدا  و لە بارودۆخێکی ئاوا دا ، بە تایبەتی بە لەبەر چاوگرتنی ئەوەیکە  ماوەیەکی زۆر لە قەیرانی مەشڕووعییەت تێ پەڕێوە  و ڕێژیم تووشی قەیرانی حاکمییەت هاتووە  لە هەلومەرجێکی ئاوا دا وا وەبەر چاو دێ  کە جمهووری ئیسلامی لە  هەڵکەوتی لاواز یان هەڵوێستی لاوازییەوە  دەست بکا بە موزاکەرە لەگەڵ ئەمریکا.

موحسین میرزایی: ڕێزدار وەلی  بە لەبەر چاوگرتنی ئەو قسانەی کە کردتان  کە ئەگەری ئەوە هەیە کە  کاربەدەستانی جمهووری ئیسلامی ئێران  لە وەرەقەی ئەو موزاکەرەیە بۆ ئەو هەڵبژاردنەی کە لە پێشە کەلک وەربگرن. ئەوەمان لە بیر نەچێ کە لە ووڵاتە یەکگرتووەکانی ئەمریکاش هەڵبژاردنێک لە پێشە  و سەرۆک کۆمارێکمان هەیە کە لانی کەم هەڕەشەیەکی لەکارلادانی لە سەر دەگەڕێ . ئایا دەکرێ ئاوا لێک بدرێتەوە کە ئەو موزاکەرەیە بە تیرێک و دوو نیشان هەم  بە قازانجی ئێران و هەم بە کاوی ئەمریکا بێ؟ باشە تا ئێرە قبووڵی دەکەین . بەڵام هەر ئەوەی کە گوتتان چل ساڵ لە پشت دروشمە ئیدێئۆلۆژییەکانی جمهووری ئیسلامی ئێران زۆریان شت بەخت کردووە ، لە شەڕەوە بگرە تا مەسەلەی سەختی ئابووری. کاربەدستانی ئێرانی چۆن دەیانەوێ پاساو بۆ ئەوە بهێننەوە؟

عەبباس وەلی: بە باوەڕی من بەستراوەتەوە بەوەی کە ناواخنی ئەو موزاکەرەیە چ بێ ، ئەو دان و ستاندنانەی کە لەو موزاکەرە دا دەکرێ چ بن و جمهووری ئیسلامی چەندە لە لایەکەوە و ئاغای تڕامپ و حکوومەتی وی لە کۆشکی سپی لە لایەکی دیکەوە بتوانن لەوە کەلک وەربگرن. هەر دووکیان ئێستا  پێویستییان بە سەرکەوتن هەیە  ، تەنانەت ئەگەر ئەوە سەرکەوتنێکی ڕواڵەتیش بێ . ئاغای تڕامپ دەزانین کە ئێستا لە پێواژۆی لە سەر کار لا دران دایە و ئاکامی ئەوە ئەگەرچی بە ئەگەری هەرە زۆر ناگاتە کەوتنی حکوومەتی بەڕێزیان  بەڵام لەوانەیە سەدەمەی زۆر بە شانسی هەڵبژاردنەوەی وی بگەیێنێ . بەڵام شتێکی دیکەی کە لەمەڕ جمهووری ئیسلامی لە گۆڕێ دایە ئەوەیکە جمهووری ئیسلامی بە باوەڕی من ئێستا تەواو لە وەزعییەتی خۆی گەیشتووە و دەزانێ کە مەیدانی گەمە واتە  پانتایی سیاسییەکەی لە ناوخۆی ئێران دا زۆر بەرتەنگە و تەنیا هۆکارێکی کە دەتوانێ کاریگەر بێ بەکارهێنانی هەرە زۆرتری گوشار، دەکارهێنانی هەرچی زیاتری زەبروزەنگ و توندوتیژی و زۆرداری و زیندانی کردن و ئێعدام کردن و گرتن و تەقە کردن و کوشت وبڕی خەڵک دەبێ. هەڵبەت ئەوەش هەرچۆنێک بێ نیشان دەدا قەیرانی حاکمییەتی ئێران بەو جێیەی کە پێی گەیشتووە لە جێدا حکوومەت بۆخۆی مەسەلە قانوونی و قەزاییەکانی وەلا ناوە و ئۆرگانە قەزاییەکان خۆیان بە کردەوە بوون بە ئورگانی سەرکوتکەر و ئەوە نیشانی دەدا کە جمهووری ئیسلامی  لە ناواخنی ئەو قەیرانییە بە قووڵی ئاگادارە و بەرەو ئەوە دەڕوا ئەو گەمەیەی کە لەو سی چل ساڵە دا کردوویە، یانی مەسەلەی وەڕووکەوتنی موخالەفەت و ئۆپۆزیسیۆن  لە ناوخۆی ڕێژیم دا خۆی و ساز کردنی  باڵێک بە ناوی ڕێفۆرمیست و باڵێک بە ناوی بنچینەگر و هتاد ، ئەو مەسەلەیە ئیدی گەیوەتە دوایین وێستگە. بە باوەڕی من حکوومەتی جمهووری ئیسلامی ، رێژیمی جمهووری ئیسلامی خەریکە بەرەو یەکدەست بوونی دەسەڵات دەڕوا و ئەگەر وەزعێکی ئاوا هەبێ بە بێ ئەملاو ئەولا گرینگ  ئەوەیە کە ئەو سیما توندوتیژەی جمهووری ئیسلامی دەبێ بە سیمای سەرەکی لە سیاسەتی ناوخۆ دا و بە کۆنکرێتی سیمای نیزامی –ئەمنییەتی بە پشتیوانی ئیدێئۆلۆژیکی بە باوەڕی من پشتیوانی لەو سیاسەتە دەکا. بە باوری من جمهووری ئیسلامی ئێستا لە بارودۆخێک دا نییە کە بییەوێ وەدووی ڕێخۆشکردنی پێویستی ئەوتۆ بکەوێ کە سیاسەتێکی ئاوا بە خەڵک بفرۆشێ ، یانی کارێکی ئاوا بکا کە خەڵک ئەو سیاسەتە قبووڵ بکەن. بە باوەڕی من  شتێکی ئاوا خەڵک بە زۆر  دەخاتە بەردەم کارێکی کە کراوە . گرینگ ئەوەیە کە ئایا جمهووری ئیسلامی لەو موزاکەرەیە دا سەردەکەوێ کە ئیمتیازی ئەوتۆ وەدەست بێنێ  کە سەرچاوە داراییەکانی ساخ کاتەوە و بە لانی کەمەوە بتوانێ ووڵامی بە بەشێک لە داوخوازە ئابووری و ماڵییەکانی خەڵک بداتەوە کە بووەتە هۆی ئەوە کە ئەوان برژێنە خیابانەکان و سینگیان بکەنە قەڵغانی تفەنگ ، ئایا دەتوانێ کۆتایی بەوە بهێنێ یان نا ؟ ئەمن لە سەر ئەو باوەڕەم کە جمهووری ئیسلامی لە جۆرێک هەلومەرجی  قەیرانێکی سیاسی دا گیری کردووە کە بەرەو ئەوە دەڕوا  ببێتە قەیرانێک کە لە سیاسەت دا پێی دەڵێن "قەیرانی مقەست "، لە لایەکەوە کە دەیەوێ دەسکی مقەستەکە بکاتەوە، لە لایەکی دیکەوە گوشار بۆ سەر چەقەکەی زیاتر و زیاتر دەبێ.  کاتێک کە دەسکەکە وێک دەنێ ئەوەیکە بتوانێ لە شانۆی سیاسەت دا بێتە ناو جۆرێک لە هەڵکردن  لەگەڵ خەڵک زۆر زۆر کەمترە. ئەمن لەو باوەڕە دام کە بناخەی ئەو قەیرانییە خەریکە بە توندی قووڵتر دەبێتەوە و ئەگەر یەکێک لە بنچینەکانی ئەو تەوافوقە لەگەڵ ئەمریکا ئەوە بێ کە سیاسەتە دەرەوەییەکان و تەوەرەکان یان پەیکانە سەرەکییەکانی سیاسەتی دەرەوەیی ئەوە بێ کە دەستی ئێران لە ناوچە کورت بکەنەوە ، و ئێران پاڵەپەستۆ بدەن و بیکشێننەوە ئەمن پێم وایە کە باری ئەو قەیرانییە لە ناوخۆ دا توندتر و توندتر دەبێ. ئەوەی کە ئاشکرایە من لە سەر ئەو باوەڕەم  کە یەکدەست کردنی دەسەڵات و ئەوەیکە دەسەڵات یەکدەست بێ و حکوومەت سیمای نیزامی – ئەمنییەتی بە پشتیوانی ئیدێئۆلۆژیکی ببێ بە پرۆفایلی ئەو حکوومەتە یانی سیمای سەرەکی وی بێ ، نیشان دەدا کە حکوومەت گەیوەتە وێستگەی دوایی. بەڵام ئەمن دەمەوێ لێرە دا ئاماژە بە شتێک بکەم  ئەو لێڵی و ناڕوونییانەی کە لە سیاسەتەکانی ئەمریکا دا هەیە ئێمکانی کردەوە و هەلسوکەوت بۆ جمهووری ئیسلامی دەهێڵێتەوە و گرینگترینی ئەو لێڵی و ناڕوونییانەش لەوەوە سەرچاوە دەگرێ کە ئەمریکا بە باوەڕی من  پێی وایە کە جمهووری ئیسلامی ئۆپۆزیسیۆنێکی گرینگ و یەکدەست و چالاک و کاریگەری نییە و ئەگەر لە بارودۆخێکی ئاوا دا بەرەو ڕووخاندن و هەڵوەشاندنی جمهووری ئیسلامی بچێ لەوانەیە هەلومەرجی عێڕاق بە چلۆنایەتییەکی زۆر خراپترەوە لە ئێران بقەومێ . هەر لەبەر ئەوەشە ئەمریکا پەیتا پەیتا دەڵێ ئێمە دەمانەوێ ئاکاری سیاسی ئێران بگۆڕێن ، بەڵام گۆڕانی ئاکاری سیاسی ئێران بە بێ گۆڕینی ئەو ئاکتۆرانەی کە ئەو ئاکارە سیاسییە دەکەن یانی هەم  نووسەر و هەم بەڕێوەبەری ئەو سیاسەتەن ئیمکانی نابێ و هەڵناسووڕێ.             

                   

موحسێن میرزایی : بەڕێز وەلی ئەمن پێم خۆش بوو پرسیارێکی دیکەش لە ئێوە بکەم. بە لەبەرچاو گرتنی ئەو ڕووداوانەی کە ڕوویاندا، مایک پۆمپێئۆ . هێندێک دەنگوباس بڵاو بووەوە کە پێوەندیی گرتنی سەفاڕەتخانەکانی دەوڵەتە یەکگرتووەکانی ئەمریکای لە سەرتاسەری دنیا لەگەڵ ژمارەیەک لە حیزبەکانی ئۆپزیسیۆنی ئێرانی بڕی و قەدەغەی کرد و تەنانەت زۆر کەس گوتیان ئەوە لە بەر ئەوەیە کە هێندێک موزاکەرە لە نێوان ئەمریکا و ئێران لە گۆڕێ دایە و لە لایەکی دیکەشەوە دەبینین کە جمهووری ئیسلامی قووڵایی ستراتێژی خۆی لە دەرەوەی سنوورەکانی خۆی و نەک بۆ خەڵکی خۆی ، بۆ دەرەوەی سنوورەکانی خۆی پێناسە کردووە. و لە بەرانبەر ئەوەشدا خەڵکمان هەیە لە ئێران ، خەڵکێکی کە تەجروبەی بەرجام  (ڕێکەوتنی ناوکی ) یشیان هەیە، کە بە شێوەیەک هاتە ڕوو. بەڵام ئەوە دەسکەوتێکی بۆ خەڵک نەبوو. دەسکەوتێک بوو بۆ ڕێژیمی ئێران و دەوڵەتە یەکگرتووەکانی ئەمریکا. لەو بڕگەیە دا دەوری خەڵک چییە ، شوێن دانانی خەڵک بەو تەجروبە مێژووییەی کە هەیانە چ دەبێ ؟

عەبباس وەلی: بڕوانە ئەمجار ئەگەر وای دابنێین کە تەوافوقێک لە نێوان ئەمریکا و ڕێژیمی جمهووری ئیسلامی دا بکرێ ڕێژیمی جمهووری ئیسلامی هێندێک لەو دژوارییانەی کە لە زەمانی ئیمزای بەرجام و تەوافوقی بەرجام  هەبوون  نایبێ، چونکە بەر لەوەی کە تەوافوقێکی ئاوا بکرێ ئەوانە سەرەتاکانی یەکدەست  بوونی حکوومەت خەریکن ئامادە دەکەن ، ئیدی کەسێک نییە لەوێ بچن و باسی دڵپەشێویی و دڵپەشێوان و قسەی ئاوا بکەن یان بۆ وێنە ڕێبەر بێ و بە نابەدڵی بڵێ ئەوە ئەوان گوتیان و ئێمە قبووڵمان کرد ، گوتیان لەو هێڵە سوورە تێ مەپەڕن و بەڵام تێ پەڕین و ئێستا ئیدی شتی ئاوا لە گۆڕێ دا نییە. کاتێک حکوومەت یەکدەست بێ و سیمای نیزامی – ئەمنییەتی هەبێ بە پاڵپشتی ئیدێئۆلۆژیکی و ئاوا تەوافوق بکرێ ئیتر ئێمە لە ئێران لە ڕووی تیوریکەوە باسی سێ گۆشەیەکی دەسەڵات کە لە لایەکەوە دارایی –ئابووری ، لە لایەکەوە ئیدێئۆلۆژیک – سیاسی و لە لایەکی دیکەوە ئەمنییەتی – قەزایی بوو گۆشەکانی ئەو سێگۆشەیە کەم کەم خەریکە دەکرێتەوە و وەکوو خەتێکی ڕاستەوخۆی لێ دێ و ئەو خەتە ڕاستەوخۆیە بە کردەوە بەرەو ئەوە دەڕوا کە ڕێژیمی جمهووری ئیسلامی ئێران تەنانەت ئەگەر تەوافوقێکیش بکا بەرەو ئەوە دەڕوا کە ببێ بە ڕێژیمێکی وەکوو کورەی باکووری ، تەوەجوهێ دەکەی و لە ڕاستیدا ئەوە یەکێک لە ئەگەرە هەر زۆرەکانە کە ئەگەر تەوافوقێکی ئاوا بکرێ بە بێ ئەوەی  ئەمریکا ببەوێ گوشار بێنێ و جمهووری ئیسلامی ناچار بکا کە هێندێک تەعدیل لە کارەکانی دا بکا و ئەو ڕێفۆرمانەی کە ئەمریکا دەیەوێ بیانکا دە حاڵەتێکی ئاوا دا لەوانەیە  پتەو بوونی دەسەڵات لە دەست نیزامی – ئەمنیەتییەکان  دا لانی کەم بۆ ماوەیەک بەرەو ڕێژیمێک بچێ ڕەنگە بکرێ بگوترێ کە وەک کورەی باکووری دەبێ.

موحسێن میرزایی : ئایا خەڵک ئەوە قبووڵ دەکەن؟ خەڵک لە ماوەی دە ساڵی ڕابردوو بە تایبەتی چەند ساڵی ڕابردوو دا سەلماندوویانە ئەو کاتەی کە گوشار زیاتر دەبێ بارستی ئعتراز و پڕۆتێستەکان زیاتر دەبێ، سەرکوتکردن هەر چەندی زیاتر بووە خەڵک زۆر سەرهەڵداوتر بوون . ئایا کۆمەڵی ئێستای ئێران دەپەژرێنێ کە ببێ بە وڵاتێکی هاوشوباری کورەی باکووری؟

عەبباس وەلی: بە باوەڕی من بە لەبەرچاوگرتنی قووڵایی و بەربڵاویی ئەو ئیعترازانەی کە لە ئێرانێ هەیە ئەگەر لە ئێران ئۆپۆزیسیۆنێکی کاریگەر و چالاک هەبووبایە ، سیاسەتی ئەمریکاش لە ئاست ئێران زۆر جیاوازتر دەبوو و سیاسەتی ئوڕووپاش جیاواز دەبوو. ئەو ئیعترازانە لە ئێران هەن ، بەڵام کاتێک دەبینین کە ئەو ئیعترازانە توند دەبن و سەرکوت دەکرێن و پاشەکشە دەکەن تەنیا شتێکی کە ئێمە دەتوانین بیبینین ئەوەیە کە مەودای دووپاتە بوونەوەی ئەو ئێعترازانە کەمتر دەبێ و دەشێ قووڵایشی زیادتر بێ . بە باوەڕی من ئەوەیکە گرینگە  و لێرە دا مەسەلەیەکی کلیلی یە و ئەویش ئەوەیە داخودا ئەو ئیعترازانە لەو ماوەیەی دا  کە ئەگەری تەوافوقێکی ئاوا لەگەڵ ئەمریکا  بکرێ، یان نەکرێ و دوای هەڵبژاردنی پارڵمانی ئێران  هەڵبژاردنی داهاتووی ئەمریکا لە مانگی نۆڤامبر بە باوەڕی من ئەوەی کە مەسەلەی کلیلی یە ئەوەیە کە ئایا ئەو ئیعترازانە لە ناوخۆی خودی ئێران قابلییەتی ئەوەی دەبێ کە ڕێبەرییەکی بە ئینسیجام و ڕێک خراو لە خۆی بەرهەم بێنێ ، ساز بکا یان نا ؟ ئەوە مەسەلەیەکی سەرەکی یە. ئێستا بە پێی ئەو زانیاریانەی کە لە بەر دەست دان وا وەبەرچاو دێ  پێواژۆیەکی ئەوتۆ خەریکە شکڵ پەیدا دەکا. ئەوەی ئاشکرایە بە باوەڕی من ئەگەر ئۆپۆزیسیۆنێکی ئەوتۆ لە ناوخۆی ئێران دا خۆی نەگرێ و پەیدا نەبێ ئیحتیمالی ئەوەی کە ئەمریکا و ئوڕووپا لەسەر ئۆپۆزیسیۆنێکی کە لە دەرەوەی ووڵاتە سەرمایە وەگەڕ خەن زۆر کەمە.

موحسین میرزایی : زۆر مەمنوون و سپاس وێژی ئێوەم ڕێزدار عەبباس وەلی مامۆستا پێشووی زانکۆ و لێکدەرەوەی سیاسی کە لە ئینگلیستانەوە لەگەڵمان بووی.